Sa chè ch’us fa i fiul

L’era eun ‘d chi cumunesta ‘d pèla bona, ch’in feva mai quis-ciòun,
parchè s’u l’avòiva det e’ partoi l’era vèra e un gn’era discusiòun, 
e u j arvanzet maèl ‘d che po’ quant che e’ su fiulaz
e dvantet un magnaòs-ci pr’andaè drì ma che pritaz,
mo la ròba che propi un gn’a la faset a faèi e’ cal
e fot quand ch’e tulet prinfena la tèsera di cul zal.
Quant che i su cumpagn i j andeva a dmandaèi s’l’era vèra sta ròba,
us mitòiva a tèsta in zò e e feva una gran gòba.
Ch’la fos griva da ingulaè, ben u s’avdòiva,
e difati s’una brota zurma l’arspundòiva,
e giòiva mitendsi una maèna sla bartavèla di calzeun:
    “Bèmo, a soi pu grend, a ne savoi che i fiul is fa si quaieun?”

Con  che  cosa  si  fanno  i  figli 
Era uno di quei comunisti di pelle buona, che non facevano mai questione, \ perchè se l’aveva detto il partito era vero e non c’era discussione, \ e ci rimase male assai quando il suo figliolaccio \ divenne un mangiaostie per andare dietro a quel pretaccio, \ ma la cosa a cui non riuscì a farci i calli, \ fu quando prese perfino la tessera dei culi gialli. \ Quando i suoi compagni gli andavano a chiedere se era vera questa roba, \ si metteva a testa in giù e faceva una gran gobba. \ Che fosse dura da inghiottire, ben si vedeva, \ ed infatti con un brutto cipiglio rispondeva, \ diceva mettendosi una mano sulla patta dei pantaloni: \ “Insomma, siete poi grandi, non lo sapete che i figli si fanno coi coglioni?”