LA LOGICA È LA LOGICA

LA LOGICA È LA LOGICA

“Ou Pasquaèl, t'é zà vutaè? T'é fat tot ben?”.

“Eh, stavolta j ò pansaè un po'

e pu ò capaè e' cambiamòint!”.

“Mo s'avret tè da cambié,

piò sgnòur d'acsè t vu ès?

T'é 'na vela acsè granda e bèla

ch'e paèr d'ès 't un cino americaèn:

chen, zardinir, dòni dal pulizì, piscina,...

e pu baèrca, viaz, albirgh 'd los,

risturint snò s'un zil 'd stèli,

ch'sa vet a zarcaè, agl'j ovi da du toral?

A capiria s' t fos un por sgrazié,

e che pers par pers, t zughivi l'eutma caèrta,

quèla dla disperaziòun, mo tè na!”

“Te da capoi ch'l'è tot quis-ciòun 'd logica, 

ah cio, sai vut faè, la logica l'è la logica,

e mè an putòiva vutaè còuntra la logica!”.

“E cmè ch'la saria sta logica?”.

“T'al séé, mè an ò guadagné

du milieun e quatarzent mela euro,

un miliòun e dusent a l'ò cnu pagaè 'd tasi,

quatarzent mela a n'i ciap piò,

un client l'è faloi e un paèga 'd sicheur,

d'j òtzent venz, la mità j è 'ndé me' mi socio,

u m'n'è vanzé quatarzent mela,

mo vest che s'la mòi l'è un po' ch'a n'andem,

sa s' dividem, sal lèzi ch'u j è adès,

ai n'un chin pasaè dusent mela ma lì,

e mu mè sel ch'u ma vaènza?

Ò lavoraè tot un an par dusent mela euro?

T capes tè parchè ò cnu cambié partoi?

La logica l'è la logica!”.

“Ah cio, sul doi la logica, u j è poch da doi,

sint però sta sturièla 'd chi du amoigh

ch'i s'incountra par caès se' marciapì,

e' pròim ul saleuta: -Ciao! E claèlt: -Miao!

E i va avaènti par la su straèda.

Dòp un po' però e' sgònd u j arpensa:

  - Mo parchè u m'à det miao?

    Dòunca, fema 'na bòta 'd cheunt:

    miao ul fa e' gat,

    e' gat e magna i sorgh,

    mi sorgh ui pis e' furmai,

    e' furmai us fa se' lat,

    e' lat ul dà la mungaèna,

    la mungaèna la j à al corni,

    o diobono, u m'à daè de' cornuto!

    Ah cio, la logica l'è la logica,

    e ènca quèsta l'è logica, moiga zucaròin!”.

LA LOGICA È LA LOGICA

“Ohi,Pasquale,hai già votato?Tutto bene?”.

“Eh, questa volta ci ho pensato un po'

e poi ho scelto il cambiamento!”.

“Ma cosa avrai da cambiare,

più ricco di così vuoi essere?

Hai una villa così grande e bella

che pare d' essere in un film americano:

cani,giardinieri, donne delle pulizie, piscina,

e poi barca, viaggi, alberghi di lusso,

ristoranti solo con un cielo di stelle,

cosa vai a cercare, le uova con due tuorli?

Capirei se tu fossi un povero disgraziato,

e che perso per perso, giochi l'ultima carta,

quella della disperazione, ma tu no!”.

“Capisci che è  tutta una fatto di logica,

ohi, cosa vuoi farci, la logica è la logica,

e io non potevo votare contro la logica!”.

“E come sarebbe questa logica?”.

“Sai? Io l'anno scorso ho guadagnato

due milioni e quattrocentomila euro,

un milione e duecento l'ho pagato di tasse,

quattrocentomila non li prendo più,

un cliente è fallito e non paga di sicuro,

degli ottocentomila la metà va al mio socio,

me ne sono rimasti quattrocentomila,

ma visto che io e la moglie non andiamo,

se ci separiamo, con le leggi attuali, 

ne devo passare duecentomila a lei,

e a me cos'è che rimane?

Lavoro un anno per duecentomila euro?

Capisci perché ho dovuto cambiare partito?

 La logica è la logica!

“Ohi, se lo dice la logica, c'è poco da dire,

 ascolta però questa storiella di quei due

che si incontrano per caso sul marciapiede,

il primo lo saluta:-Ciao! E l'altro:-Miao!

E continuano per la loro strada.

Dopo un po' il secondo ci ripensa:

  - Ma perché mi ha detto miao?

    Dunque, facciamo una botta di conti:

   miao lo fa il gatto,

   il gatto mangia i topi,

   ai topi piace il formaggio,

   il formaggio si fa col latte,

   il latte lo dà la mucca,

   la mucca ha le corna,

   oh, diobono, mi ha dato del cornuto!

   Ah dì, la logica è la logica,

   e anche questa è logica, mica zuccherini!”.