E cambia e’ mònd, sno la rozna l’è sempra quèla - Cambia il mondo, solo la ruggine è sempre quella (Samaèvar e Savgnen - parte sedicesima)

E cambia e’ mònd, sno la rozna l’è sempra quèla

E l’arivet j an de’ prugrès e e’ mònd e la voita i cambiet faza,

s’la machina e la televisiòun us pò doi ch’l’era finoi la vitaza.

La televisiòun la s’andeva a vdòi int e’ bar e pristòin sinò i post j era finoi,

e s’una gazòusa o una spuma bienca, ta t’avdivi e' prugrama preferoi.

E’ pinòun l'era sa “Lascia o Raddoppia?” e se’ “Musichiere”, la zobia e e' sabat sòira,

da Meo, da la Fiorentina, da Nino, dai Republichen, dai Cumunesta , sa piova o nòiva. 

E che sabat sòira che me’ “Musichiere” u j era e’ fiol de’ svezar,

davaènti ma la televisiòun u j era una mocia ‘d zenta, 't i bar u j era tot Samaèvar,

e quant ch’ui giòiva ma Mario Riva ch’e steva 't e’ paiòis ‘d Pascoli e dla Rumagna,

tot dret cuntint a sbat al maèni, mo ènca se’ pansir che putes finoi la cucagna,

u j era dal volti che se’ piò bèl l’avnoiva a maènch la leusa e un s’avanzaèva taènt ben,

e sempra u j era coi che giòiva che a tajé i foil l’era staè cal carògni ‘d Savgnen,

e vest che e’ su aquedot e tulòiva l’aqua 't i poz ‘d Carlòun, ch’j era 't e’ nòst cumeun,

pr’imbucòunt a j avimi da cieud i rubinet, t’avdiré ch’i la smitòiva ‘d ròmp i mareun!

Cambia il mondo, solo la ruggine è sempre quella

Arrivarono gli anni del progresso e il mondo e la vita cambiarono faccia, 

con la macchina e la televisione si può affermare che era finita la vitaccia.

La televisione la si andava a vedere nel bar e presto sennò i posti erano esauriti,

e con una gazzosa o una spuma bianca,ti vedevi i programmi preferiti. 

Il pienone era con “Lascia o Raddoppia?” e col “Musichiere” giovedì e sabato sera, 

da Meo, Fiorentina, Nino, dai Repubblicani, dai Comunisti, con pioggia o bufera. 

E quel sabato sera che al “Musichiere” c’era il figlio dello Svizzero, 

davanti alla tivù c’era una folla di gente, nei bar c’era tutto San Mauro davvero, 

e quando diceva a Mario Riva che stava nel paese di Pascoli e della Romagna, 

tutti in piedi felici ad applaudire, ma col pensiero che potesse finire la cuccagna,

a volte sul più bello spariva la corrente elettrica e si restava male, il fatto era strano, 

e c’era chi diceva che a tagliare i cavi erano state quelle carogne di Savignano, 

siccome il loro acquedotto pescava in pozzi che S. Mauro concedeva generosamente,

dovevamo chiudere i rubinetti, avrebbero smesso di rompere i maroni impunemente.