di Piero Maroni  

LA FOLA DLA MI PALAVOLO
(LA FAVOLA DELLA MIA PALLAVOLO)

 

L'an dòp la scvaèdra l'an gn'era piò, Silvano a Bulogna par l'Università,

e chilt un po' a lavuraè e un po' a scola fura, as simi pers cva e là.

Mè adès a s'era de' Savgnen, parchè Giuliano l'avòiva mes sò una scvaèdra nova

e u m'avòiva ciamaè a zughé sa lòu e am sò det ch'l'era e' caès 'd faè la prova.

A s'alenimi 't la palèstra dla scola elementaèra dò volti la stmaèna,

e' caèmp l'era drì da la cisa 'd Savgnen, sòura l'asfaèlt e bsugneva ciapaèi la maèna,

cio, stivi sò sa dal brasoli 't al còsi e 't al brazi s' t fivi 'na mèza cascaèda,

una volta am sò slugaè una caveja 'd brot e la mi ma la m'à cnu faè una ciaraèda.

Al scvaèdri da incuntraè l'era ancòura cvèli de' rimnòis e sa toti a vanzimi,

snò s'l'Arzeun un gn'era gnent da faè, sa lòu sempra a pardimi.

Mè a Savgnen j andeva in biciclèta, a n'avòiva né la machina e gnenca la patenta,

tot al matòini andeva ma la staziòun in biciclèta a ciapaè e' treno s'una bèla stenta.

Andeva a scola a Frampul, duvò che la palavolo un po' la s' zugheva,

int cla scola però l'era guasi tot femni e la nòsta scvadrina tènt ben l'an steva.

Una volta, 't i campiuné di studint, a zughimi a Furlè s'una scvaèdra 'd na scola da là

e an fasesmi un fié, propi d' j urfanel in canutira bienca pirs 't e' palazèt 'd cla zità,

mo e' pez l'era a santoi chi studint malduché che is cantaèva ròbi ch'a cnusimi zà:

“Per i miseri implora perdono, per i deboli implora pietà!”.

“Deboli” mu mè, ch'a sera zà piò d'un cvintaèl e ch'an sbajeva una s-ciazaèda?

Che vargògna e che tegna, fosmi staè 'd piò, l'era ròbi da metsi a faè una zcazutaèda!

Invezi s'la còuda tr'al gambi a instois, mo u n'arivet un patachèt a ciapaès pr'e' cheul?

E' profesòur, incazaè, us det la sudisfaziòun ad ciapaèl pr'e' còl e sbatal 't e' meur.

L'anno successivo la squadra non c'era più, Silvano a Bologna per l'Università,

e gli altri un po' a lavorare e un po' a scuola fuori in città, c'eravamo persi qua e là.

Io giocavo col Savignano, perché Giuliano aveva formato una squadra nuova

e mi aveva chiamato a giocare con loro e ho deciso che era il caso di fare la prova.

Ci allenavamo nella palestra della scuola elementare due volte alla settimana,

il campo era dietro la chiesa di Savignano, sopra l'asfalto e bisogna farci la mano,

ohi, ti alzavi con ferite nelle cosce e nelle braccia se facevi una mezza cascata,

una volta mi slogai una caviglia di brutto e mia mamma mi fece una “cerata”.

Le squadre da incontrare erano ancora quelle del riminese e con tutte vincevamo,

solo col Riccione non c'era niente da fare, con loro sempre perdevamo.

Io a Savignano andavo in bicicletta, non avevo la macchina e neanche la patente,

tutte le mattine andavo alla stazione in bici a prendere il treno faticosamente.

Allora andavo a scuola a Forlimpopoli, dove un po' la pallavolo si giocava,

in quella scuola però erano quasi tutte donne e la nostra squadretta bene non stava.

Una volta, nel campionato studentesco, giocavamo a Forlì con una squadra di là,

perdemmo, degli orfanelli in canottiera bianca smarriti nel palazzetto della città,

ma il peggio era sentire quegli studenti che ci cantavano cori che conoscevamo già:

“Per i miseri implora perdono, per i deboli implora pietà!”.

“Debole” a me, che ero già più di un quintale e che non sbagliavo una schiacciata?

Ma che vergogna e che rabbia, fossimo stati di più c'era da fare una scazzottata!

Con la coda tra le gambe a vestirsi, ma non arrivò un cretino a prenderci per il culo?

Il professore ci diede l'unica soddisfazione, lo prese per il collo e lo sbattè nel muro!