di Piero Maroni  

DALL' ALBUM DI FAMIGLIA

1941 – A 16 anni assunta in qualità di bambinaia presso l'abitazione del dottor Amati, medico condotto a S. Mauro e segretario del partito fascista locale.

1948 – A 23 anni col figlio Piero, nato nell'agosto del 1946 con un peso superiore ai 4,500 kg.

Ambrosini Andreina, la 'Driana: la mi ma

La faza ch'la mancaèva me' mi ba, par furteuna la n'avòiva da buté vì la mi ma,

lì sé ch'la n'avòiva paveura 'd gnent, la s'buteva dimpartot e l'an n'avòiva mai sa,

la j era vèza da sempra a faè d'inquèl senza mai stufes o lamantaès, 

e' mi nòn Fanòin cvant ch'i dmandaèva cmè ch'la era la su nora, e giòiva da spès:

“Ui n'un vria ona acsè int tot al caèsi e in tot al fameji!”.

Un gn'era gnent ch'l'an saves faè o ch'la ges 'd na, lì sé ch'la era da mudaji.

La j era naseuda 't e' melanovzentvintzòincv, mo e' mòis e e' dè i n'è sicheur,

alòura i steva 't i Capan e bsugneva andaè a Savgnen par sgné i nasiteur,

e' su ba e ciapet la biciclèta e u s'aviet, mo la pròima ròba ch'e fet, us farmet 't l'ustarì,

e  dòp un loitar 'd sanzvòis, guasi imbariegh, us scurdet incvèl e e turnet indrì.

De' temp un paset un bèl po' pròima ch'u j avnes inamòint sèl ch'l'avòiva da faè

snò che niseun u s'arcurdaèva piò la daèda giosta, acsè a caès i capet e' mòis e e' dè.

L'era la terza 'd sì fiul, d'ògna taènta un nasòiva eun int cla fameja,

e doi ch'j avòiva 'na miseria da faè leun e la su ma sempra gròsa pez d'una cuneja.

E' fat l'è che mi su geniteur ui piasòiva e' vòin, e a la granda i bbòiva tut deu

e acsè a lèt ui ciapaèva tròpa l'aligrì e in badaèva ma gnent, cuntint ch'j avòiva bbeu.

A badaè e' fradel piò znin e al surlini, ui tucaèva ma lì, la su ma in zoir dai cuntadòin,

drì sòira la cnòiva stiè la pida e pr'arivé me' tulir la steva in pì dreta s'un scaranòin.

Una volta, da vècia, l'am racuntet che int i mois pròima che l'eutma surèla la nases,

la su ma l'an steva tènt ben, e paròiva che a purtaè in caèv e' paèrt l'an gn'a la fases,

lì però l'an s'feva di gran turmoint par ste fat, la n'avòiva sa, l'era tròp un ènt burdèl

e s'un po' 'd vargògna, l'am giòiva ch'la prigaèva e' signòur che mandes a mocc incvèl.

Tacaè ma caèsa, j avòiva un stalèt sa 'd dròinta trè pigri par la laèna e e' lat pri burdel,

la j andeva a faè l'erba, la s'la cargaèva sla scòina e u s'avdòiva pasaè snò du gambirel.

A segg an l'andet a lavuraè a Samaèvar da e' dutòur Amati, e' cap de' partoi fasesta,

la feva la bambinaia me' su fiul e par lì l'era acsè bèl ch'ui paròiva d'ès 'na turesta.

E' brot l'era 'd nòta, la piseva 't e' lèt, e' dutòur sa dò pastòini e ciudet la quis-ciòun.

Alòura la era zòvna, blòina, braèva, e' burdèl ui vlòiva ben e un gn'era discusiòun. 

'T j eutum an, cvant che e' zarvèl l'andeva par su còunt, la vlòiva turnaè ma cla caèsa

ch'la j era sòta un porgat drì la cisa e i carabinir e acsè l'an gn'a la feva a truvaè paèsa.

Un duret tròp, poch pròima dla guèra la lavuraèva 't l'Arrigoni, la j avòiva zdòt an

e sa d'ilt la urganizet un siòpar còuntra i padreun fasesta senza badaè mi dan.

A lè i feva i busilot 'd marmelaèda da mandaè mi suldé ch'j era drì a faè la guèra,

e che dè e paròiva ch'j avnes j inglois a bumbardaè, piòtòst cnè muroi, mèi la galera.

Pr'e' fròunt, sfulaèda si su, la j andeva a rimidié e' magné dai suldé americhen,

e bsugneva staè tenti, i t guardaèva maèl, lòu j era a cva ènca par coipa d'j italien.

Arturné i suldé mal su caèsi, u s'arciapa la voita e la s'muròusa se' fiol 'd Fanòin,

un bèl ragaz malatecc, pu però u s'arblet e l'an dòp, pena spusé, ui naset un burdlòin.

Ènca cla caèsa la j era pina 'd miseria, lì la lavuraèva cmè un òm, senza mai stracaès,

a med l'era un fulèt e ma la machina da bat la feva dal furcaèdi gròsi senza farmaès,

um ven inamòint d'avòila vesta una volta ch'la purtaèva la su carga mi pajarul,

l'era una mocia ch'la pasaèva 't l'aèra sal su gambi, e tot par la fameja e pri su fiul.

Dò pasiòun, la m'à sempra det ch'la j avòiva da chi dè: e' bal e al zigarèti,

cvèsti ui li tulòiva e' mi ba e li la li fumeva da mes parchè s'la mi nòna l'era brèti,

pr'e bal la j era mata, la j andeva s'agl'j amoighi e la i deva propi s'una gran pasiòun,

la avria vu caèra ch'l'impares e' su maroid, leu invezi un feva un pas s'un madòun.

Valzer, polchi, mazurchi, tango, j era i su, l'an steva zò gnenca un zoir, mai straca,

l'al savòiva che agl'j ucasiòun par balaè agl'j era pochi, mèi alòura impinoi la saca.

La m'à ènca det che una volta 'd znaèr par Santantoni ma la Tòra i feva e' vigliòun,

l'era frèd e li sudeda la s'amalet 'd brot, poch u j è mancaè ch'u j avnes un s-ciupòun.

La scutaèva da la fevra, e vnet e' dutòur ch'e get che s'la pasaèva la nòta, las salvaèva,

se' temp la m'à sempra det, che mè znin, a j andeva a santoi la fròunta sla scutaèva.

E cvant ch'un gn'era laveur da faè, la j era sempra drì a cor da zenta malaèda int e' lèt,

s'u j era ròbi che ma chilt ai li feva schiv, lì la si mitòiva drì svelta cmè un fulèt.

La j avòiva imparaè a faè al punteuri e j avnoiva da li la zenta de' pòst o da là vajeun,

un umèt u la vlòiva tra còsa e cor. - L'è tra còsa e' cheul, lai get, e nu ròmp i mareun!

Da spès su j era di bsogn i la j avnoiva a ciamaè 'd dè e 'd nòta avsòin e parint

e lì sempra 'd sé, a cor e met a pòst al ròbi. “L'è e' nòst anzal!”. I giòiva pu tot cuntint.

Ambrosini Andreina, detta Adriana: mia mamma

L'audacia che mancava a mio babbo per fortuna ne aveva da buttare mia mamma,

lei non aveva paura di niente, si buttava dappertutto e senza alcun programma,

era abituata a far di tutto senza mai stufarsi, per lamentarsi tempo non ne aveva.

Mio nonno Giuseppe quando gli chiedevano com'era sua nuora, rispondeva:

“Ce ne vorrebbe una così in tutte le case e in tutte le  famiglie!”.

Nulla c'era che non sapesse fare o che si negasse, lei sì che era da medaglie.

Era nata nel millenovecentoventicinque, ma il mese e il giorno non sono sicuri,

abitavano ai Capanni e bisognava andare a Savignano a registrare i nascituri,

suo padre prese la bici e si avviò, ma la prima cosa che fece fu fermarsi all'osteria,

dopo un litro di sangiovese, quasi ubriaco, si scordò e tornò a casa sulla stessa via.

Di tempo ne trascorse un bel po' prima che si ricordasse cosa ancora doveva fare,

ma nessuno ricordava più né il mese e né il giorno, così la data era del tutto casuale.

Era la terza di sei figli, ogni tanto ne nasceva uno in quella famiglia

e dire che erano in miseria nera e sua mamma sempre incinta peggio di una coniglia.

Era dovuto al fatto che ai due genitori piaceva il vino  e bevevano entrambi troppo

così a letto diventavano allegri e contenti da non curarsi di niente purtroppo.

A prendersi cura dei fratelli e sorelle, spettava a lei, la madre sempre dai contadini,

verso sera doveva preparare la piada e per arrivare al tagliere, ritta su seggiolini.

Una volta, da vecchia, mi raccontò che nei mesi prima che l'ultima sorella nascesse,

sua mamma non stava bene, pareva che a portare a termine il parto non ce la facesse

lei non si preoccupava di ciò, ne aveva abbastanza, era troppo un' altra creatura

e, con un po' di vergogna, mi diceva che pregava dio che impedisse quella sciagura.

Adiacente casa c'era uno stalletto con tre pecore per la lana e il latte per i bambini,

andava a fare l'erba, la poneva sulla schiena e così di lei si vedevano solo i piedini.

A 16 anni andò a lavorare a San Mauro dal dottor Amati, il capo del partito fascista,

era la bambinaia di suo figlio e per lei era tutto così bello da sentirsi una turista.

Il peggio era di notte, bagnava il letto, il dottore con due pillole chiuse la questione.

Allora era giovane, carina, brava, il piccolo le voleva bene e senza mai discussione.

Negli ultimi anni, il cervello si smarriva, voleva tornare in quella casa ormai fugace,

che era sotto un porticato vicino alla chiesa e ai carabinieri e così non trovava pace.

Non durò però molto, poco prima della guerra lavorava all'Arrigoni, aveva 18 anni

e con altri organizzò uno sciopero contro i padroni fascisti senza calcolare i danni.

Lì preparavano i barattoli di marmellata per i soldati intenti a fare la guerra,

quel giorno pareva dovessero bombardare, piuttosto che morire, meglio la galera.

Per il fronte, sfollata coi suoi, andava a procurarsi il cibo dai soldati americani,

occorreva stare attenti, ti guardavano male, loro erano qua per colpa degli italiani.

Tornati a casa i soldati, si riprese la vita e lei si fidanzò con Silvio, figlio del vicino,

bel giovane malaticcio, poi guarì e l'anno dopo, appena sposati, nacque un bambino.

Anche quella casa c'era la miseria, lei lavorava come un uomo, senza mai stancarsi,

a mieter era un folletto e alla trebbiatrice inforcava la paglia senza fermarsi,

ricordo d'averla vista una volta che portava il suo carico di paglia ai pagliaroli,

era un mucchio che varcava l'aia sulle sue gambe e tutto per la famiglia e i figlioli.

Due passioni mi ha sempre detto che aveva allora: il ballo e le sigarette,

queste gliele forniva mio babbo, le fumava di nascosto, con mia nonna erano berette,

per il ballo era matta, ci andava con le amiche e ci dava con grande passione,

voleva che imparasse suo marito, lui invece non sapeva fare un passo su un mattone.

Valzer, polke, mazurche, tango, erano i suoi, non perdeva un giro, mai stracca,

lo sapeva che le occasioni per ballare erano poche, meglio allora riempire la sacca.

Mi ha anche detto che una volta per Santantonio alla Torre facevano un veglione,

era freddo, lei sudata si ammalò gravemente, poco ci mancò ad una brutta soluzione.

Bruciava dalla febbre, venne il dottore e disse che se passava la notte, si salvava,

col tempo mi ha sempre detto, che io piccino, andavo a sentirle la fronte se scottava.

Se non c'erano lavori da fare, era sempre intenta a correre da gente malata nel letto,

alle incombenze che ad altri facevano schifo, ci si metteva lei svelta come un folletto.

Aveva imparato a fare le punture e veniva la gente del posto o dei dintorni,

un ometto la voleva tra coscia e cuore.-È tra coscia e culo, o te ne vai e non torni!

Spesso per alcuni bisogni, la venivano a chiamare di giorno e di notte vicini e parenti

e lei sempre pronta a correre e sistemare le cose. - È un angelo! Dicevano contenti.