di Piero Maroni  

DALL' ALBUM DI FAMIGLIA

Dòp dla guèra: miseria, disgraèzji e fasoisum (1)

Arturnaè da e’ fròunt, la miseria la era ènca pez, i steva sòta padròun 't un fundarnòin,

acsè znin ch’un si cavaèva e’ magnè par campaè e par Nadaèl l’era zà finoi e’ vòin.

A què e naset un'aènta fiòla, cavel biònd cmè al spoighi de’ graèn fat e rizulin d’in sò,

mo a un an la znina e a sì la granda, a distaènza ‘d poch mois, al muret tut dò.

L’era staè e’ grop, una malatì ch’la s’mitòiva 't la gòula e l’an pardunaèva,

quant che ènca la sgònda la s’n’andet, la ma la pardet la tèsta e piò l’an ragiunaèva.

Ad nòta la s’n’andeva tra i cantir aré a zarcaè al su bèl burdèli

e leu drì s’un lumòin a petroli a faèi leun tra i cudal e sòta al stèli,

pu s’una gran pazinzia u la cumpagneva a caèsa pròima ch’la s’fases maèl,

e se’ faè de’ dè, ancòura a s’ciantaès la scòina par ciapaè du suld, acsè e’ su nurmaèl.

Ma lì ui paset la matira una nòta ch'una mungaèna la steva par fié 't la stala d'j avsòin,

un rogg e la caschet cmè morta 't e' santoi i mogg dla bes-cia e vdòi i sprai di lumòin.

Dis che quant ch'las sviget la era rinsavoida e mois dòp la vanzet gròsa de’ mi ba.

Mo la voita la era deura distès, zà la miseria la sareb staèda sa,

par zòunta u si mitet ènca i fasesta a ròmp e’ caz,

il tnòiva d’òcc e' mi nòn parchè un s’era iscret me’ partoi e par lòu l’era un tipaz,

mo da bon sucialesta un sa pighet me' fasoisum gnenca davaènti a e' manganèl,

e cla dmenga ch'j avòiva da vutaè par doi sé o na ma Muslòin, e steva par spusaèl.

Pròima d'antraè 't la gabina, un fasesta in camoisa nira puzaè me' meur, ui get:

“Tenti tè Maròun, ch'al savem sèl ch'ut frola 't la tèsta, nu s'fa i dispet!”.

“Mo se tè t'al sé e tot sèl ch'a pens mè, a lè 'd dròinta sòi d'andaè a faè?

  Tò, ciapa sta caèrta e 't e' mi pòst va tè a vutaè!”.

“Mo dai ch'a faz par scarzé, nu t la ciapa!”. E ridet e' fasesta,

mo sòiri dòp int e' scheur zò ma la straèda, brota, brota u s'la e vesta.

Il savòiva ben i fasesta ch’l’era sucialesta e alòura bsugneva sbasaèi la crèsta

e una sòira ch’l’arturnaèva a caèsa da l’usterì s’un su cumpagn i pruvet a faèi la fèsta.

Una squadraza la i farmet  dòp de’ mulòin 'd scaènt d'un psadaèl,

e’ su amoigh e fot e' pròim a santoi 't al costi quant ch'l'era deur e’ manganèl,

pu ui tuchet ma leu, mo e saltet sò e’ padròun dla tèra duvò che tot i dè e bazileva,

ch’ui get mi su che quèl l’era un bon òm ènca se sucialesta e al bòti un li meriteva.

Il dopoguerra: miseria, disgrazie e fascismo

Tornato a casa, la miseria era anche peggiore, stavano sotto padrone in un poderino, 

così piccolo che non si rimediava il cibo per campare, per Natale era già finito il vino. 

Qui nacque un'altra figlia, capelli biondi come le spighe del grano e ricciolini all'insù,

ma ad un anno una e a sei l'altra, morirono a distanza di qualche mese e poco più. 

Era stata la difterite, una malattia che prendeva la gola e non perdonava, 

quando anche la seconda se ne andò, la madre impazzì e più non ragionava,

di notte se ne andava tra i campi arati a cercare le sue bambine belle 

e lui la seguiva con un lumino a petrolio per farle luce tra le zolle e sotto le stelle, 

poi con una grande pazienza l’accompagnava a casa prima che si facesse male, 

e sul far del giorno a rompersi la schiena per guadagnare due soldi, la vita normale.

Le passò la pazzia una notte che una mucca stava per partorire nella stalla del vicino, 

cadde come morta nell'udire i lamenti della bestia e osservare il balenio del lumino.

Si dice che si ridestò ed era rinsavita e pochi mesi dopo rimase incinta di mio padre, 

ma la vita era dura lo stesso, già la miseria era un peso grave, 

in aggiunta ci si misero anche i fascisti a peggiorare il momentaccio, 

lo tenevano d’occhio perché non si era iscritto al partito e per loro era un tipaccio.

Ma da buon socialista non si piegò al fascismo neanche di fronte al manganello,

la domenica che dovevano votare sì o no a Mussolini, stava per cadere in un tranello

all'ingresso un fascista in camicia nera appoggiato al muro, gli disse schietto:

“Attento Maroni, lo sappiamo cosa ti frulla nella testa, non ci fare un dispetto!”.

“Ma se tu sai già tutto cosa penso io, lì dentro cosa ci devo andare a fare?

  Toh, prendi questa carta e e al posto mio vacci tu a votare!”.

“Ma dai che faccio per scherzare, non te la prendere!”. Rise il fascista,

ma sere dopo nel buio giù per la strada, brutta, brutta se l'è vista.

Ben lo sapevano che era socialista e allora bisognava abbassargli la cresta 

e una sera che ritornava dall’osteria con un suo amico provarono a fargli la festa, 

una squadraccia li fermò dopo il mulino vicino al ruscello, 

il suo amico fu il primo a sentire nelle costole quant'era duro il manganello,

poi toccò a lui, ma saltò su il padrone della terra dove tutti i giorni lavorava, 

a dire che quello era un brav’ uomo anche se socialista e le botte non le meritava.