di Piero Maroni  

DALL' ALBUM DI FAMIGLIA

La  guèra de' queng

Leu l'era de’melaòtzentutaèntasèt e, 't la su voita tribulaèda, dò guèri la cnu supurtaè,

la pròima in trincea a sparaè e la sgònda ma caèsa a zarcaè ‘d na faès mazaè.

L’ era e’ sgònd d’una fameia ch’j avòiva una miseria d’an gn’a la faè a staè in pì,

a sì an e faset la pròima e a sèt e cnèt lasé la scola parchè i su i l’avòiva daè vì.

Alòura la era acsè, s’u s’era in trop e e’ magné u n’era sa, i fiul is deva par garzòun,

e par quèst, tota la su pròima gioventò u la j à pasa a lavuraè dla tèra sòta padròun.

Quant ch’il ciamet 't i suldé, int la fanterì, l’era ancòura un burdlaz,

mo 't e’ quengg, zà spòus, i l’arciamet par la guèra s’j austreach tra la nòiva e e’ giaz.

E’ dè dla partenza a pì a Samaèvar a ciamaè la baèglia, la mòi la steva par parturoi,

e da lè, sempra a pì, a Savgnen parchè e’ treno l'era in staziòun e bsugneva partoi.

Un po’ ‘d mois a imparaè a tiré al bòmbi a maèna e a sparaè se’ muschèt

e pu in pròima linea 't una fòsa duvò ch’us muroiva pr’al granati o pr’e’ frèd.

Intaènt che leu e risgheva la pèla se' fròunt, ma caèsa l'era naseu una bèla babeina,

u la avdet dò volti, a dis mois e a du an 't al fotografì ch'ui mandaèva la su Gusteina.

Quant ch'l'arturnet, la fiola la j avòiva zà quatr'an e la n'avòiva mai vest e' su ba,

par lì l'era un furistir e, spavantaèda da che suldaè, l'as maseva drì la sutaèna dla ma.

Piò sò 't j an un gn’era vers ch’e racuntes quaicosa ‘d cla guèra e 'd chi patimoint:

“Rubazi!”. E giòiva snò, mo da alòura a zcòr ‘d cisa e prit u j andeva vì i santimoint.

Par pasqua la mòi la i feva un brèta longa ch’l’andes a cunsaès e faè la cumugnòun,

e leu e giòiva ‘d sé, mo e’ dè dòp sa j e dmandaèva e giòiva: “An sò moiga quaiòun!”.

“Nòn, quant ch’l’è staè l’eutma volta ch’a l'avì fata e parché an la fé piò?”.

“Boh, e' dè ch'a sò partoi par la trincea, mo pu ò vest i prit faè ròbi ch'an li mand zò!”.

La  guerra  del  quindici

Lui era nato nel 1887 e, nella sua tribolata vita,  due guerre ha dovuto sopportare, 

la prima in trincea a sparare e la seconda a casa a cercare di non farsi ammazzare.

Era il secondo di una famiglia che aveva una miseria da non reggersi in piedi,

a sei anni fece la prima poi lasciò la scuola, i suoi lo avevano dato via senza rimedi.

Allora era così, se si era in troppi e il cibo insufficiente, i figli si davano per garzoni, 

e così, tutta la sua prima gioventù l’ha trascorsa a lavorare la terra sotto padroni. 

Quando lo chiamarono nei militari, nella fanteria, era poco più che un ragazzaccio, 

ma nel '15, lo richiamarono per la guerra contro gli Austriaci tra la neve e il ghiaccio.

In partenza andò a San Mauro a chiamare la levatrice, la moglie stava per partorire,

e da lì, a piedi, a Savignano perché il treno era in stazione e bisognava partire.

Un po’ di mesi a imparare a tirare le bombe a mano e a sparare col moschetto, 

poi in prima linea dove si moriva per le granate o per il freddo maledetto.

Intanto che lui rischiava la pelle sul fronte, a casa era nata una bella bambina, 

la vide due volte, a 10 mesi e a 2 anni nelle fotografie spedite dalla sua Agostina.

Quando ritornò la figlia aveva già quattro anni e non aveva mai visto suo padre, 

un forestiero, spaventata da quel soldato, si nascondeva dietro la sottana della madre.

Più avanti non c’era modo che narrasse qualcosa di quegli anni di  patimenti:

“Brutte cose!”. Diceva, ma  a parlare di chiesa e preti gli andavano via i sentimenti.

Per Pasqua la moglie gliela faceva lunga perché andasse a fare la comunione,

e lui annuiva, ma poi se glielo chiedevo, rispondeva: “Non sono mica coglione!”. 

“Nonno, quando è stata l’ultima volta che l’avete fatta e perché non la fate più?”.

“Boh, in partenza  per la trincea poi ho visto preti fare cose che non mi vanno  giù!”.