di Piero Maroni  

DALL' ALBUM DI FAMIGLIA

UN  CARATAR  FADIGÒUS

Quant che i mi geniteur is spuset, j avòiva una miseria da bat, lì gròsa me' terz mòis

e leu e feva e' mecanich 't una butigòina du metar par dò a Samaèvar 't e' pajòis.

Un ciapaèva gnenca i suld par sè, quant che la zenta la j andeva a ritiré la biciclèta, 

un s'arisgheva a dmandaèi i bajoch, da zarteun us feva daè snò una zigarèta.

Dal volti ui giòiva: “Sa vut ch'a t dmanda che t ci piò purèt ch'n'è mè,

lasa perd, as farem a paèra un' aènta volta, tanimodi an gn'ò fat un gran chè!”.

 U j era pu ènca coi ch'e giòiva: “Segna valà, che adès an gn'ò drì, a ti port admaèn!”.

A sem ancòura drì ch'aspitem che vegna che dmaèn!

Sè, l'era propi la faza ch'u j amancaèva, unèst piò d'un san Franzèsch,

che se t aspitivi ch'u s'ataches ma ròbi ch'al ni spitaèva, t stivi frèsch.

Mè da chi dè a s'era znin e an m'arcord 'na masa 'd ròbi 'd leu e 'd cla voita purèta,

e' mi ba ma caèsa un gn'era guasi mai, l'andeva vì la matòina prèst in biciclèta,

se' faè dla sòira, se steva ben e l'era aligar, t'al santivi da dalongh ch'l'era drì a turnaè,

e feva la straèda da Samaèvar a la Velagrapa, sempra a fis-cé, l'era e' su modi 'd faè,

se invezi e vnòiva zò da zet, l'era  segn d'una zurnaèda storta o che steva maèl,

alòura la su ma lai feva e' rois in biench e l'era cmè se fos ancòura e' su burdèl, 

pu lai feva un sach 'd dmandi, la ne laseva in paèsa, la vlòiva savòi sèl ch'l'avòiva,

mo par  leu l'era cmè s'u ni fos niseun a lè datònda, sempra zet e u n'arspundòiva.

 A m'arcord d'una sòira d'instaèda ch'e magneva e' su rois disdòi se' scalòin dla porta,

lì lai la feva longa e leu zò dal biastòimi sèchi, u sa capoiva ch'l'avòiva la leuna storta,

pu, stof 'd cla cieula e ciapet e' giamòin e ul tiret 't e' mèz dl'aèra s'un rugiaz da spraè,

e lì sa di lamoint da faè spezi e guzlot ma j occ, la andeva a to sò che giamòin macaè.

È sé, l'avòiva madòs un narvòus ch'u se magneva, poca pazinzia e foili 'd biastòimi,

se' su ba un zcuròiva guasi par gnent e par niseun u j era mai un baès o carizòini.

Ma caèsa avimi tot sudiziòun 'd leu, un sa capoiva mai sèl ch'ui fruleva 't e' zarvèl,

u j era dal volti che par dè e dè un giòiva parola, testa 'd spunteun a guardaè e' sulaèr,

t'an savivi se steva maèl o sèl ch'u j era ch'u n'andeva, un zcuròiva sa niseun,

mo e' pez e fot quand che faset la dmanda pr'un pòst da operai int e' cumeun.

 Putòi ciapaè e' pòst fes e la paèga sicheura, l'era tot quèl che vlòiva 'd piò,

mo ben che alòura u j è sta da bazilé, par quant ch'un s'è santoi la su vòusa a ne sò,

l'era chi dè, cmè vòi e' mort in caèsa, la su ma a pienz e nòun tot zet,

'd sòira andimi a santoi ma la straèda se fis-ceva, mo gnent, a la fòin però ul ciapet.

E preciois l'è staè par avòi la caèsa che e' cumeun e deva ma coi ch'in l'avòiva,

u s'j è andaè drì piò d' un mòis ch'is  decides e sa leu sempra cla vergna 'd pròima.

Sa mè e se mi fradèl u n'è che fos catoiv, an m'arcord dal bòti, mo l'era cmè su n'i fos,

snò la mi ma la badaèva ma nòun, leu l'era ancòura che fiol onich ch'un vlòiva crès.

Mè an m'agrastaèva 'd andaèi datònda o a dmandaèi sèl ch'um bsugneva,

par tot inquèl a curoiva da la mi ma, ènca s'l'era snò da lì, e da spès, ch'a li buscheva.

UN  CARATTERE  DIFFICILE

Quando si sposarono i miei genitori, avevano una miseria nera, lei al terzo mese

e lui faceva il meccanico in una stanzina due metri per due a San Mauro in paese.

Non guadagnava neanche i soldi per sé, quando la gente andava per la bicicletta,

non s'arrischiava a chiedere i soldi, da alcuni si faceva dare solo una sigaretta.

A volte diceva loro: “Cosa vuoi che ti chieda che sei più povero di me,

lascia perdere, ci faremo pari un'altra volta, tanto non le ho fatto un gran chè!”.

C'era poi anche chi diceva:- Segna valà, ora non li ho, te li porto domani!”.

Siamo ancora in attesa che venga quel domani!

Sì, era proprio la sfacciataggine che gli mancava, onesto più di un san Francesco,

che se si poteva credere che si appropriasse di ciò che non era suo, stavi fresco.

Io in quei tempi ero piccino e non ricordo di tutto su di lui e di quella vita poveretta,

mio babbo a casa non c'era quasi mai, partiva la mattina presto in bicicletta,

verso sera, se stava bene e in allegria, lo udivi da lontano che era intento a ritornare,

per la strada da S. Mauro alla Villagrappa, sempre a fischiare, così gli piaceva fare,

se rientrava in silenzio, era segno di una giornata storta o che non stava benino,

allora sua madre preparava il riso in bianco, come se fosse ancora il suo bambino,

poi lo assillava con le domande, non lo lasciava in pace, voleva sapere cosa aveva,

ma per lui era come se non ci fosse nessuno intorno, sempre zitto e non rispondeva.

Ricordo una sera d'estate che mangiava il suo riso seduto sul gradino della porta,

lei gliela faceva lunga e lui a bestemmiare, si capiva bene che aveva la luna storta.

Poi, stufo di quella nenia prese il tegame e lo scagliò nell'aia con un grido disperato,

e lei con alti lamenti e lacrime agli occhi, andava a raccattare il tegame ammaccato.

Eh sì, il nervosismo se lo mangiava, tante le bestemmie e poche gentilezza,

col suo babbo non parlava quasi mai, per nessuno c'era mai un bacio o una carezza.

A casa avevamo tutti soggezione di lui, non si capiva mai il suo reale intendimento,

a volte per giorni e giorni non proferiva parola, testa china a scrutare il pavimento,

non sapevi se stava male o cosa non tornava, non parlava con nessuno,

ma il peggio fu quando  fece la domanda per un posta da operaio nel comune.

Poter avere il posto fisso e la paga sicura, era ciò che più desiderava per la sua vita,

sì che allora c'è stato da patire, non so per quanto tempo la sua voce non si è udita,

era in quei giorni come avere il morto in casa, sua madre piangeva, noi zitti fermi lì,

di sera andavano lungo la strada per udire se fischiava, ma niente, però poi ci riuscì.

E la stessa cosa fu per avere la casa che il comune assegnava a chi non l'aveva,

si è dovuto attendere più di un mese per la decisione e lui con la stessa ansia viveva.

Con me e mio fratello non era cattivo, non ricordo botte, ma la sua assenza

solo mia madre si occupava di noi, lui era ancora quel figlio bisognoso di assistenza.

Io non osavo avvicinarmi troppo o chiedere a lui ciò che mi occorreva,

per ogni cosa ricorrevo a mia mamma, anche se spesso era l'unica che mi batteva.