U si met ènca e' paèpa a dè dan
Mo pu chi ciapatot di Malatesta i s’è mòunt la tèsta e e’ paèpa u j à mes in roiga,
u j à mand i su suldè, u j à port vì inquèl e i samavrois zet ch’in faset una poiga.
Vez a staè cuvé int chi cantir e tra chi fos a zarcaè ‘d rimidié quaicosa da magné,
e pò l’ès ch’in s’n’un sipa gnenca infat de’ casòin ch’u j era, j avòiva èlt da bazilé.
A Savgnen invici quant ch’j andeva a faè una vasca te’ còurs se’ giurnaèl sòtabraz,
intaènt ch’al mòi al sa farmaèva s’una scheusa par scriché l’òcc me’ su ragaz,
j oman i ciacaraèva ‘d puletica e il savòiva sa coi ch’j avòiva da staè,
moiga cmè chi pataca ‘d Samaèvar ch’i steva par ciapaèl te’ cheul e in s’ n’era daè.
Sé, parchè par cla ruchèta ch'u j era a què, i sgnureun ‘d Furlè is cavaèva j occ,
fameji còuntra fameji, fradel ch’i s’amazaèva tra ‘d lòu, insòma, un sach ‘d pastrocc,
e che gran pèz ‘d balosa dla Cateròina Sforza, l’an va a doi me’ paèpa d’alòura
che s'u i la dà ma lì, la la bota zò e la fa un “luogo di piacere”? E braèva la sgnòura!
“Ah sé”, l’avrà det che papaz sempra incazaè, “se al ròbi al sta acsè
a faè sbasaè la crèsta ma tot chi galet chi razla 't e’ mardòun, a j a pens da par mè!”
Cio, un feva moiga a pòsta, e ven sò si su suldé e in dò e dò quatar e paèr tot finoi,
mo pròima ‘d ceud la quis-ciòun e ciapa una decisiòun ch’l’era mèi ch’u s’fos sploi.
Us faset purtaè caèrta e pena e e scrivet a lè par lè un avois in italien guasi fòin,
mo parchè tot il capes u j e faset lèz in dialèt ma l’aziprit, cio, us giòiva de’ su distòin.
Snò che l’aziprit ch’e steva a Samaèvar da un bèl po' e e cnusòiva cla pora zenta,
u j e get sal su paroli che sinò par metili 't la tèsta ma ch’j ignurint l’era tròpa stenta.
Ci si mette anche il papa a far danni
Poi, assetati di potere, i Malatesta si montarono la testa e il papa li mise in riga,
mandò i soldati, li privò di tutto e i sammauresi zitti senza prendersi alcuna briga.
Abituati chinarsi nei campi e tra quei fossi a cercare di rimediare qualcosa da mangiare,
forse non si erano accorti di ciò che accadeva lì attorno, avevano altro a cui pensare.
I savignanesi quando andavano a fare una vasca nel corso col giornale sottobraccio,
e le loro mogli si fermavano con una scusa, a fare l’occhiolino al loro maschiaccio,
gli uomini chiacchieravano di politica e sapevano benissimo con chi dovevano stare,
quei tonti di San Mauro invece stavano per prenderlo nel sedere e senza protestare.
Sì, perché per la rocchetta che sorgeva qui, i signori di Forlì si cavavano gli occhi,
famiglie contro famiglie, fratelli che si ammazzavano tra loro, insomma, pastrocchi,
e quel gran pezzo della Caterina Sforza, non va a dire al papa di allora
che se la concede a lei, la butta giù e ci fa un “luogo di piacere”? E brava la signora!
“Ah sì”, avrà detto quel papaccio sempre adirato, “se le cose stanno così
a piegare la cresta a quei galletti che razzolano nel letame, ci penso io a chiuderla lì.”
Non faceva mica apposta, sale coi suoi soldati e in due e due quattro pare tutto finito,
e prima di chiudere la questione prende una decisione che era meglio si fosse seppellito.
Aveva preso carta e penna e aveva scritto un avviso in un italiano quasi a puntino,
ma, per farlo capire, lo fece leggere in dialetto al prete, ohi, si parlava del loro destino.
Solo che l’arciprete che abitava a San Mauro da un bel po’ e conosceva quella gente,
lo spiegò con parole sue, sennò per metterlo loro in testa ci voleva una fatica ingente.
(Continua)
Ultimi Commenti