TOTA COIPA 'D ITALO CALVINO - TUTTA COLPA DI ITALO CALVINO

Adès però turnema m'al ròbi da bon, ròbi ch'agl'j è piòtòst intròvdi, èh sé, cvèl che per cvaicadeun e fot un ben a la granda, par dilt e fot un maèl da na putòi scurdaè e pardunaè, mo nu pasema avaènti me' temp, stema mi fat.

A simi sempra int e' staèntasì, l'instaèda la steva par finoi e mè, ch'a s'era sempra piò da spès in cumpagnì sa Ricardo, u j era dal sòiri cvant ch'an savimi duvò andaè,ch'as stuglimi 't la mi machina t'e mèz dla piaza davaènti la cisa, mè si sedoili davaènti e leu sa cvei didrì, aradio zòis senza a gnenca badaèi parchè sempra dri a zcòr 'd scola, 'd puletica o, da spès, ènca 'a ciacri e siuchèzi pursì e senza a gnenca mai daè u n'uceda ma l'arloz, acsè ch'a fimi taèrd 'na masa e 'na volta int e' vòidar de' finistròin l'è paèrs la faza d'un carabinir, cvèsta mò la s'è paèrsa gròsa, mo j avem rideu sòura e lasé perd.

A simi int e' melanovzentstaèntasì e Ricardo da chi dè l'era ancòura asesòur ma la culteura int e' cumeun, acsè ai get ch'l'era òura 'd faè un bèl “Cineforum” a Samaèvar par racuntaè la storia dl'Itaglia a travers i cino ch'j era ste fat a partoi da e' risurgimòint se' “Gattopardo” e pu euta, euta, fena ai nost dè.

Òsta sé, l'è da faè e invici di bigliet a fem al tèsèri, acsè se eun e ven 'na volta dòp e ven sempra, int ste modi e cala ènca al spòisi, vest che i suld da spend ui n'era puch da chi dè int al casi de' cumeun.

Sè, sé, bona l'ideia, us pò faè, ènzi al fem e sobit, a si mitesmi drì e in caèv a utobar al tèsèri agl'j era pròunti se' prugrama di cino d'avdòi int e' teatròin de' prit, adès però bsògna andaèli a vend e invujé raghez e ragazi a vnoi.

Mè ch'a s'era da spès davaènti l'ACLI avdòiva trè-cvatar ragaztòini andaè avaènti e indrì da la caèsa de' prit e la Garboja l'an mancaèva mai e cvant ch'a s'incuntrimi s'la piaza dla cisa, as fimi sempra di bèi saleut, cio, da bon ch'a cminzeva a pansaè ch'um saria piaseu a staè sa lì a faè dò ciacri, mè però an la vagh a zarcaè 't la caèsa dla paròchia o 't la cisa, però s'la scheusa ch'a j ò da vendi al tèseri, aspèt li e al su amoighi s'la piaza e cvant ch'al scapa, am faz sòta s'al tèsèri.

Òs-cia, sé, ai sem, e' pròim 'd nuvembar Ricardo e Luciano j era andé a truvaè di parint o amoigh in zoir fura da Samaèvar, a s'era da par mè e a n'avòiva gnent da faè, acsè am met madòs e' mi stidòun 'd vigogna grigia sa giaca, curpèt e cruvata e s'la zentvintcvatar am  met 't e' parchègg s'la piaza dla cisa 't l'eutum pòst drì la caèsa de' prit e a stagh a d' aspitaè s'u 'na gran pazinzia ch'e scapes cal ragazi par putòi vendi al tèsèri, mo, a doila tota, ai tnòiva snò ma ona 'd cvèli, cagl'j elti a li cnusòiva snò 'd vesta.

Cmè che cminzeva a faè scheur, a vègh travers i voidar dla su finèstra ch'u j era de' muvimòint, al starà pra vnoi fura, sé, mo mè an m'aroisgh moiga... e pu s'agl'j è toti insen, mè an scap a gnenca da la machina...e pu a m'un faz avaènti a gnenca s'un ven fura ona snò...na, na, a n'ò la faza par stal ròbi, mèi a lasé perd, a j a pansarò piò avaènti. Mo che boilia!

Am s'era decios, am vagh a caèsa, a steva par avié la machina, ch'a vègh avnoi fura 'd cheursa la Luciana da par lì e la j avnoiva dreta vers la mi machina.

E cvèsta, sa vral mai? Un gn'è staè e' temp par pansaè, ch'la erva e' spurtèl, la òintra, la s'met disdòi se' scaranòin davaènti dri mè e l'am dmanda sa j ò e' loibar ch'u m'avòiva det 'na volta la mi surèla, le “Fiabe Italiane” di Italo Calvino.

Mo sé ch'a l'ò, na a cvè però, e pu tra un po' 'd ciacri 'd cvèst e cvèl, a j ò prumès che a j e purtaèva 'dmaènasòira, s'la j avnoiva ancòura da e' prit, a j a vria daè e' loibar cvand ch'la scapaèva pr'andaès a caèsa, intaènt mè a la j aspitaèva 't e' bar dl'ACLI cmè ch'a feva guasi tot al sòiri dla stmaèna

Burdel, a s'era zà còt, e sa l'òs-cia ma sèl ch'am figurevava, parché tot i mi pansir j era che admaèna sòira a s'incuntrimi darnov.

L'era i du 'd nuvembar, la sòira dla fèsta di murt, a sò staè tot la sòira tacaè ma la finèstra de' bar pr'avdoi cvant ch'la scapaèva, an pansaèva ma gnent aètar, a gnenca me' loibar, ch'a me s'era scord da fat e lasé ma caèsa e u m'è vneu inamòint snò cvant ch'a la j ò vesta caminé vers e' bar.

U j a mancaèva poch m'agl'j ongg, la j avnoiva vers l'ACLI, mè ai sò andaè incòuntra e a j ò det, s'una gran vargògna, che e' loibar a me s'era scord, li la s'è mesa a roid e guasi senza vlòi, a sem mes a ciacaraè e camine s'al dò piazi de' pajòis un po' avaènti e un po' indrì e niseun di deu e giòiva mai d'andaès a caèsa, avem fat mezanòta int un sbress, adès però l'è òura d'andaè vi, as dem però apuntamòint par la sòira dòp sempra s'la scheusa de' loibar e che stavolta am me saria scord.

Vaga cmè cla vaga, 'dmaèna sòira bsògna ceud la cvis-ciòun e an pansaèva mal tèsèri ma s'la j era dispòsta a staè sa mè cmè du nureus, o ch'l'am doi 'd sé o sinò ai met 'na preda sòura e ceusa a lè par sempra, mo a s'era sicheur ch'ai saria vaènz un bèl po' maèl s'la m'aves det 'd na, cio a j avòiva ciap 'na bèla scofia!

I troi 'd nuvembar al dis d'la sòira antrimi t'la mi machina, e' loibar l'era a lè, a j e det mo li la steva a lè, la n'avòiva nisona presia 'd ciapaè vì, bon segn am sò det, adès o mai piò, a mi sò vsiné na mulòiga e s'un foil 'd vòusa, prèsapoch, a j ò det ch'l'am piasòiva e ch'a saria staè cuntent 'd staè insen sa lì, ènca pr'e' temp a vnoi.

E' rèst un gn'è bsògn ch'al racòunta, e basta savòi che da cla machina, us po' doi, ch' la n'è s-ciòisa piò.

La sòira dòp l'era i cvatar nuvembar, fèsta naziunaèla, pròima scapaèda da mureus, andem a faè un zoir a Remin, gnenca e' temp 'd finoi 'd travarsaè la piaza de' paèpa ch'a tachem s'la pròima ragneda e e' pròim meus, la s'era incazaèda sa mè parchè a ni tnòiva la maèna s'la spala, mo mè an s'era vèz ma stal ròbi e pu um paròiva ch'e fos tròp prèst, a n'avòiva ancòura tot sta cunfidenza.

Sta e' fat ch'avem travarsaè la piaza e fat du pas 't e' còurs d'Avgusto, senza doi parola e guasi ugneun par su còunt.

Praciois l'è staè pr'arturnaè ma la machina e a sem andé a faè la pròima d'un migliòun 'd cal paèsi ch'u s'avrà da faè da spès t'j an a vnoi parchè, cmè ch'un doi a cvè da nòun: am s'era propi bot 't la finaènza! 

Ora però torniamo alle vicende serie, vicende peraltro del tutto impreviste, eh sì, ciò che per qualcuno fu un bene notevole, per altri fu una delusione da non poter dimenticare e perdonare, ma non anticipiamo i tempi, seguiamo lo svolgimento dei fatti.

Eravamo sempre nel 1976, l'estate stava per terminare ed io ero sempre più in sintonia con Riccardo, c'era delle serate che quando non sapevamo dove andare che ci rintanavamo nella mia auto al centro della piazza di fronte alla chiesa, io sdraiato sui sedili anteriori e lui su quelli posteriori, radio accesa senza però farci caso o ascolto perché sempre presi a parlare di scuola, di politica e, frequentemente, anche di banalità casuali e senza mai dare un'occhiata all'orologio, così che si facevano ore assai tardi, tanto che una volta nel vetro del finestrino è apparso il volto di un carabiniere, questa apparizione ci parve una enorme sciocchezza, ci abbiamo però riso sopra e lasciato perdere.

Eravamo nel 1976 e Riccardo, in quei tempi, era ancora assessore alla Cultura nella giunta comunale, gli proposi allora  di organizzare un bel Cineforum a San Mauro per raccontare la storia dell'Italia attraverso i film che erano stati realizzati, a partire dal Risorgimento col “Gattopardo” e poi più oltre nel tempo fino ai nostri giorni.

Ebbene sì, è da farsi e invece del biglietto, pensiamo ad una tessera, così se uno viene una volta, poi ritorna ancora e in questo modo calano le spese visto che soldi da spendere ce n'erano pochi nelle casse del Comune.

Molto bene, bella l'idea, si può fare, ci demmo da fare e alla fine di ottobre le tessere erano approntate, adesso però occorreva andare a venderle ed invogliare ragazzi e ragazze ad aderire. 

Io, che ero frequentemente davanti all'ACLI, notavo tre o quattro ragazzette andare avanti e indietro dalla casa del parroco e la Garbuglia non mancava mai e quando ci incontravamo sulla piazza della chiesa, ci scambiavamo sempre dei calorosi saluti, ohi, veramente cominciavo a pensare che mi sarebbe piaciuto stare con lei e scambiare quattro chiacchiere, io però non la vado a cercare nella casa della parrocchia o in chiesa, ma con il pretesto che le devo vendere le tessere, attendo lei e le sue amiche in piazza e quando escono mi faccio sotto con le tessere.

Orca, sì, ci siamo, il primo novembre Riccardo e Luciano erano andati a trovare parenti o amici chissà dove fuori da San Mauro, io ero rimasto solo e non avevo nulla da fare, così indosso il mio elegante abito di vigogna con giacca, corpetto e cravatta e con la 124 Fiat mi vado a posizionare nel parcheggio della piazza della chiesa nell'ultimo rettangolo vicino alla casa parrocchiale e mi metto pazientemente ad attendere che uscissero le ragazze per poter vendere loro le tessere, ma, ad essere sinceri, di quelle a me interessava una sola, le altre le conoscevo solo di vista.

Come inizia a far buio, vedo, attraverso i vetri della loro finestra, che c'era del movimento al loro interno, staranno forse per uscire, sì, ma io non mi arrischio mica...e poi se sono tutte insieme, io non esco neanche dalla macchina... e poi non mi faccio avanti neppure se ne viene fuori una sola... no, no, non ho l'ardire per queste cose, meglio lasciar perdere, ci penserò più avanti. Ma che angoscia avevo preso!.

Avevo preso la decisione, adesso mi vado a casa, stavo per avviare l'auto, che vedo uscire di corsa Luciana da sola e veniva diretta verso la mia auto.

E questa, cosa vorrà mai? Non c'è stato tempo per fare ipotesi, che apre la portiera, entra, si siede sul sedile anteriore accanto a me e mi chiede se ho il libro che mi aveva annunciato una volta mia sorella, le Fiabe Italiane di Italo Calvino.

Certo che ce l'ho, non qui però, poi, tra un po' di chiacchiere su cose varie, le ho promesso che glielo avrei portato domani sera se veniva ancora dal parroco, glielo avrei consegnato quando usciva per andarsi a casa, intanto io l'avrei attesa nel bar dell'ACLI che frequentavo quasi tutte le sere della settimana.

Ragazzi, ero già cotto, e chissà cosa stavo fantasticando, perché tutti i miei pensieri erano rivolti al fatto che domani sera ci saremmo incontrati nuovamente.

Era il 2 novembre, la sera della festa dei morti, rimasi per tutta la sera appiccicato alla finestra del bar per vedere quando usciva, non pensavo a nient'altro, neanche al libro, che me l'ero completamente dimenticato e lasciato a casa e mi è tornato alla mente solo quando l'ho vista camminare verso il bar.

Mancavano pochi minuti alle 23, la vidi venire verso l'ACLI, io le sono andato incontro e le ho detto, con una grande vergogna, che il libro me l'ero scordato, lei si mise a ridere e quasi senza neanche accorgerci di nulla, ci siamo trovati a chiacchierare e passeggiare intorno alle due piazze del paese un po' avanti e un po' indietro e nessuno dei due diceva mai di andarsi a casa, abbiamo fatto mezzanotte in un attimo, adesso però è l'ora di andarsene, ci diamo appuntamento per la sera successiva con il pretesto di quel libro che questa volta non me lo sarei certamente dimenticato.

Vada come vada, domani sere devo chiudere la questione e non pensavo alle tessere ma se lei era disposta a stare con me come due fidanzati, o che mi dice di sì  o diversamente ci metto una pietra sopra e non ci penso più per sempre, ma ne ero certo che ci sarei rimasto molto male se mi avesse rifiutato, ohi ne ero completamente innamorato!

Il 3 novembre alle 10 di sera entriamo nella mia auto, il libro era lì, glielo consegnai, ma lei non se ne andava, non aveva alcuna premura di andarsene, buon segno, mi son detto, adesso o mai più, mi sono avvicinato un pochino a lei e, con un filo di voce, più o meno, le ho detto che mi piaceva e che sarei stato felice di stare assieme a lei, anche per il tempo a venire.

Il seguito non occorre che lo racconti, basta sapere che da quell'auto, si può affermare, che non ne è scesa più.

La sera dopo era il 4 novembre, festa nazionale, prima uscita come fidanzati, andiamo a fare un giro a Rimini, neanche il tempo di terminare di attraversare la piazza del papa che si accende la prima lite, si era arrabbiata con me perché non le mettevo una mano sulla spalla, ma io non ero abituato a queste finezze e poi mi sembrava fosse troppo presto, non avevo ancora piena confidenza con lei.

Fatto sta che abbiamo attraversato la piazza e camminato un po' nel corso d'Augusto, senza proferire parola e quasi ognuno per suo conto.

Stessa cosa per ritornare al parcheggio e siamo ritornati a fare la prima di un milione di quelle paci che se ne dovranno spesso fare negli anni a venire, perché, come si usa dire nei nostri dintorni: mi ero messo proprio nella finanza!